Hvað við söfnum og hvers vegna

Ábyrgðaraðili gagnanna og rekstraraðili Torgsins er Aþena hugbúnaður ehf., kt. 460726-0690. Torgið safnar tilboðum íslenskra verslana á einn stað. Verslanirnar selja vörurnar sjálfar.

• Hvaða tilboð eru sýnd og skoðuð og hvenær þú ferð af Torginu á vef verslunar. Þetta er talið án tengingar við þig, svo verslanir sjái heildartölur um eigin tilboð.
• Leitarorð sem þú slærð inn og fjöldi niðurstaðna, að sía hafi verið notuð á tiltekinni síðu og tegund tækis (sími, spjaldtölva eða tölva), líka án tengingar við þig, svo við sjáum hvað vantar í úrvalið.
• Auðkenni sem er reiknað upp á nýtt á hverjum degi úr dagsetningunni, IP-tölunni þinni og vafranum, ásamt leyndarlykli. IP-talan sjálf er ekki geymd með gögnunum, auðkennið er ekki vistað í vafranum þínum og ekki er hægt að tengja það milli daga.
• Áður en þú hefur valið eru aðeins birtingar og skoðanir á tilboðum og ferðir á vefi verslana taldar, án tengingar við þig.

• Allt sem stendur hér að ofan undir „Með valinu Aðeins nauðsynlegt“.
• Hvaða síður þú skoðar, á hvað þú smellir, hve lengi þú stoppar við tilboð og hve langt þú skrunar.
• Hve lengi heimsóknin varir, hve margar síður þú skoðar, hvaða síur þú notar og hvaða tilboð þú vistar eða setur á lista.
• Skjástærð, tungumál vafrans, tímabelti, hvaðan þú komst á síðuna og auglýsingamerkingar (utm) í slóðinni.
• Vafrakökuna mist_sid, sem gerir okkur kleift að þekkja sama vafra aftur (sjá „Vafrakökur og val þitt“).
• Ef þú hefur skráð þig inn og valið Allt eru þessar færslur tengdar við aðganginn þinn. Færslur úr sama vafra frá því áður en þú skráðir þig inn teljast þá líka með þegar þú sækir eða eyðir gögnunum. Annars eru þær ekki tengdar við þig.
• Við notum þetta til að sýna tilboð sem passa þér undir „Fyrir þig“ og svo verslanir sjái hvað virkar. „Fyrir þig“ byggir á vörumerkjum sem þú fylgir, uppáhaldsflokkum, tilboðum sem þú vistar eða setur á lista og, aðeins ef þú hefur valið Allt, tilboðum sem þú skoðaðir eða fórst á til verslunar síðustu 30 daga.

• Netfang og lykilorð, eða innskráning með Google. Frá Google fáum við netfang, nafn og mynd.
• Nafn, ef þú gefur það upp, uppáhaldsflokkar og vörumerki sem þú fylgir.
• Vistuð tilboð og listar. Listi sem þú deilir með hlekk er sýnilegur öllum sem hafa hlekkinn.
• Val þitt um gagnasöfnun með tímasetningu og gerð vafra, og saga breytinga á því, svo hægt sé að sýna hvenær og hvernig samþykki var veitt.
• Innskráningarþjónustan skráir hvenær þú skráðir þig inn, með netfangi og IP-tölu.

Þetta setur Torgið í vafrann þinn:

mist_consent

Geymir valið þitt, Allt eða Aðeins nauðsynlegt. Gildir í eitt ár.

mist_sid

Aðeins með valið Allt. Auðkenni vafrans, svo við getum þekkt hann aftur. Gildir í eitt ár og endurnýjast á meðan þú notar Torgið. Síður geta ekki lesið hana (HttpOnly) og hún er fjarlægð þegar þú velur Aðeins nauðsynlegt.

sb-*

Aðeins þegar þú ert að skrá þig inn eða hefur skráð þig inn. Settar af innskráningarþjónustunni svo að innskráningin haldist. Þegar innskráning eða nýskráning hefst, með netfangi eða með Google, setur hún líka köku með nafni sem endar á -code-verifier. Hún er notuð til að ljúka innskráningunni og er fjarlægð þegar henni er lokið. Nöfn þeirra byrja á sb-.

torgid:saved:v1

Geymt í vafranum, ekki kaka: tilboð sem þú vistar áður en þú skráir þig inn. Þau fara ekki úr tækinu fyrr en þú skráir þig inn.

torgid:saved:kept:v1

Geymt í flipanum, ekki kaka: þegar vistað tilboð fylgir ekki með þér við innskráningu af því að það er ekki lengur í gildi, man vafrinn það í allt að klukkustund svo hann spyrji ekki aftur á hverri síðu. Hverfur þegar flipanum er lokað.

mist:session-started

Geymt í flipanum, ekki kaka: merkir að heimsókn sé hafin. Hverfur þegar flipanum er lokað.

Þú getur breytt valinu hér hvenær sem er. Breytingin gildir strax.

Torgið notar þessa þjónustuaðila til að reka vefinn:

• Vercel hýsir vefinn og fær því beiðnir vafrans þíns, þar á meðal IP-tölu.
• Supabase geymir gagnagrunninn, sér um innskráningu og sendir tölvupóst sem aðgangur þarf, til dæmis tengil til að endurstilla lykilorð.
• Leitin notar líkön sem keyra á netþjóni sem Torgið leigir hjá Contabo. Leitarorð fara þangað, í gegnum Supabase, til að reikna leitina, og líka myndir sem þú sendir í myndaleit. Torgið vistar ekki myndina. Til að takmarka fjölda beiðna frá einum notanda fær þjónustan gildi sem er reiknað úr IP-tölunni þinni með leynilykli, ekki IP-töluna sjálfa.
• Google sér um innskráninguna ef þú velur „Halda áfram með Google“.
• Verslanir fá samanlagðar tölur um eigin tilboð: birtingar, skoðanir, vistanir, ferðir á vef þeirra og meðaltíma sem tilboð er skoðað. Þær sjá ekki hver gerði hvað. Þegar þú ferð á vef verslunar gilda hennar eigin reglur um gögn. Torgið bætir aðeins merkingum um uppruna (utm) við slóðina, engu um þig. Myndir af tilboðum geta líka verið sóttar beint af netþjóni verslunarinnar, sem sér þá IP-töluna þína og vafrann þinn.

Gögn eru fjarlægð sjálfkrafa á hverri nóttu samkvæmt þessu:

• Færslur um það sem þú gerir á vefnum (birtingar, skoðanir, vistanir, leitir, smelli og síðuskoðanir): 13 mánuðum eftir að þær urðu til.
• Upplýsingar um heimsóknir (tegund tækis, skjástærð, uppruni): þegar 13 mánuðir eru liðnir frá síðustu heimsókn vafrans eða frá því hann sást fyrst, hvort sem gerist fyrr.
• Teljarar sem verja vefinn gegn of mörgum beiðnum: þeir sem eru orðnir klukkustundar gamlir eru fjarlægðir í næturkeyrslunni, svo hver þeirra er horfinn innan rúmlega sólarhrings.
• Innskráningarskrá innskráningarþjónustunnar (netfang og IP-tala): 13 mánuðum eftir innskráningu.
• Aðgangurinn og það sem honum fylgir (prófíll, vistuð tilboð, listar, óskir, vörumerki sem þú fylgir og val þitt um gagnasöfnun með sögu þess): þar til þú eyðir aðganginum.
• Þegar þú eyðir aðganginum eyðast líka atburðir (leitir, smellir og síðuskoðanir) og heimsóknir sem eru tengdar honum. Færslur um tilboð (birtingar, skoðanir, vistanir og ferðir á vefi verslana) haldast án tengingar við þig og eru fjarlægðar eftir 13 mánuði.

Torgið vinnur gögnin sem lýst er hér að ofan á þessum grundvelli:

• Aðgangur og innskráning: efndir samnings við þig, samkvæmt skilmálum Torgsins.
• Valið Allt, það er gögn um notkun þína umfram hið nauðsynlega: samþykki þitt. Þú getur afturkallað það hvenær sem er með því að velja Aðeins nauðsynlegt.
• Nauðsynlegar vafrakökur, valið Aðeins nauðsynlegt og öryggisskrár (teljarar sem verja vefinn gegn of mörgum beiðnum og innskráningarskrá): nauðsyn fyrir rekstur vefsins og lögmætir hagsmunir Torgsins af að verja hann og sjá heildartölur um notkun.

• Þú getur sótt gögnin þín og eytt aðganginum hvenær sem er undir Gögn og friðhelgi. Útflutningurinn er ein JSON skrá með því sem tengist aðganginum þínum: allt að 10.000 nýjustu atburðum og 10.000 nýjustu færslum um tilboð, og allt að 1.000 nýjustu heimsóknum og breytingum á vali þínu. Ef eitthvað er skorið af segir skráin frá því.
• Valið um gagnasöfnun er hér að ofan og líka undir Gögn og friðhelgi. Þegar þú velur Aðeins nauðsynlegt hættir söfnun þess sem tilheyrir Allt strax og mist_sid er fjarlægð.
• Ef þú ert eigandi fyrirtækis á Torginu þarf að framselja eða eyða fyrirtækinu áður en þú getur eytt aðganginum.
• Þú átt rétt á að fá aðgang að gögnum um þig, láta leiðrétta þau eða eyða þeim, og að kvarta til Persónuverndar, eftirlitsaðila á Íslandi.

Spurningar um gögnin þín: Aþena hugbúnaður ehf., kt. 460726-0690.

Netfang: framtak@fsp.is